நடப்பு உலகக் கோப்பை தொடரில் பரபரப்பாக முடிந்த ஆட்டங்கள் 

பன்னிரண்டாவது உலக கோப்பை தொடரின் முதல் பாதி ஆட்டங்கள் முடிவடைந்த நிலையில், இந்தியா மற்றும் நியூசிலாந்து அணிகள் தோல்வியே சந்திக்காத அணிகள் என்ற பெருமையை கொண்டுள்ளன. தொடரை நடத்தும் நாடான இங்கிலாந்து, இரு தோல்விகளையும் மற்றும் நடப்பு சாம்பியனான ஆஸ்திரேலியா ஒரு தோல்வியையும் கண்டு உள்ளன. இந்த உலக கோப்பை தொடரில் குறிப்பிடும் வகையில், வங்கதேசம் தனது நிலையான ஆட்டத்தை வெளிப்படுத்தி வருகின்றது. நேற்றைய போட்டியில் இங்கிலாந்து அணிக்கு அதிர்ச்சி அளித்து வெற்றியை கண்டது, இலங்கை. ஒரு சிறப்பான தொடரை அளிக்க தவறியுள்ள தென் ஆப்பிரிக்க அணி தொடரிலிருந்து வெளியேறும் அணிகளில் ஒன்றாக விளங்கி வருகிறது. எனவே, இதுவரை நடைபெற்ற போட்டிகளில் சில திரில்லான ஆட்டங்களை பற்றி இந்த தொகுப்பில் காணலாம்.

#3.வங்கதேசம் Vs தென் ஆப்பிரிக்கா:

Bangladesh played their first match of this World Cup against South Africa at the Oval.

லண்டனில் உள்ள ஓவல் மைதானத்தில் நடைபெற்ற தென் ஆப்பிரிக்க அணிக்கு எதிரான போட்டியில் வங்கதேச அணி வெற்றி பெற்று ஆரம்ப போட்டியிலேயே அமர்க்களப்படுத்தியது. இந்த ஆட்டத்திற்கு முன்னர், இவ்விரு அணிகளும் விளையாடியுள்ள 20 போட்டிகளில் வெறும் மூன்றில் மட்டுமே வங்கதேச அணி வெற்றி பெற்று மோசமான சாதனையை படைத்திருந்தது. இந்த ஆட்டத்தில் தென் ஆப்பிரிக்க அணியின் முக்கிய வேகப்பந்து வீச்சாளரான டேல் ஸ்டெயின் மற்றும் தொடக்க ஆட்டக்காரரான ஆம்லா ஆகியோர் காயங்களால் அவதிப்பட்டு விளையாடாததால் சற்று பின்னடைவாக அமைந்தது. டாஸ் வென்று வங்கதேச அணியை பேட்டிங் செய்ய பணித்தது, தென்னாபிரிக்கா. ஆட்டத்தின் தொடக்கத்திலேயே வங்கதேசம் இரு விக்கெட்களை இழந்து தவித்திருந்த வேளையில் 4 ஓவர்கள் வீசிய லுங்கி இங்கடி தசைப்பிடிப்பால் அவதிப்பட்டு போட்டியிலிருந்து விலகினார். இதன் பின்னர், வங்கதேச அணியின் பேட்டிங் இணையான ஷகிப் அல்-ஹஸன் மற்றும் முஷ்ஃபிகர் ரஹீம் கூட்டணி ஆட்டத்தை மீட்டெடுத்தது. மூன்றாம் விக்கெட்டுக்கு இந்த இருவரும் இணைந்து 142 ரன்களை குவித்தனர். அதன்பின்னர், இறுதிக்கட்ட ஓவர்களில் கவனம் செலுத்திய மகமதுல்லா 33 பந்துகளில் 46 ரன்களை குவித்தார். ஒருநாள் போட்டிகளில் தங்களது அதிகபட்ச ஸ்கோரான 330 ரன்களை பதிவு செய்தது, வங்கதேசம்.

For South Africa, both Dale Steyn and Hashim Amla were not playing this match due to injury which proved to be a major blow.

இதன் பின்னர், களமிறங்கிய தென் ஆப்பிரிக்க அணி 26 ஓவர்களின் முடிவில் 2 விக்கெட் இழப்பிற்கு 147 ரன்களை குவித்து இருந்தது. எதிர்பாராதவிதமாக கேப்டன் டு பிளிசிஸ் தனது விக்கெட்டை இழந்தார். அதன் பின்னர் களமிறங்கிய டேவிட் மில்லர், டுமினி ஆகியோர் நிலையான ஆட்டத்தை வெளிப்படுத்த தவறியதால் அடுத்தடுத்து விக்கெட்டுகளை இழந்து தென் ஆப்பிரிக்க அணி 21 ரன்கள் வித்தியாசத்தில் தோல்வி அடைந்தது.

#2.இங்கிலாந்து Vs இலங்கை:

Malinga takes 4 wickets against England

நேற்று நடைபெற்ற உலக கோப்பை தொடரின் 27 வது லீக் போட்டியில் இங்கிலாந்து மற்றும் இலங்கை அணிகள் பலப்பரீட்சை ஈடுபட்டனர். முதலில் பேட்டிங் செய்த இலங்கை அணி தனது வழக்கமான பேட்டிங் செயல்பாட்டை வெளிப்படுத்தியது. அதிகபட்சமாக இலங்கை அணியின் ஆல்ரவுண்டர் மேத்யூஸ் இறுதி வரை ஆட்டமிழக்காமல் 85 ரன்களை குவித்தார். இங்கிலாந்து அணியின் பந்துவீச்சாளர்களான சோப்ரா ஆர்ச்சர் மற்றும் மார்க் வுட் ஆகியோர் தலா 3 விக்கெட்களை கைப்பற்றி அசத்தினர்.

இதன் பின்னர், களமிறங்கிய இங்கிலாந்து அணியின் தொடக்க ஆட்டக்காரரான ஜானி பேர்ஸ்டோவின் விக்கெட்டை அவரது முதல் பந்திலேயே கபளீகரம் செய்தார், மலிங்கா. இதனைத்தொடர்ந்து அரை சதம் அடித்த ஜோ ரூட்டின் விக்கெட்டையும் அதன் பின்னர், களம் புகுந்த ஜேம்ஸ் வின்ஸ் மற்றும் ஜோஸ் பட்லர் ஆகியோரின் விக்கெட்டுகளும் என நான்கு விக்கெட்டுகளை கைப்பற்றி அசத்தினார், மலிங்கா. இங்கிலாந்து தரப்பில், ஆல்ரவுண்டர் பென் ஸ்டோக்ஸ் ஒருவர் மட்டுமே தனது நிலையான ஆட்டத்தை வெளிப்படுத்தினார். ஆட்டத்தின் டெத் ஓவர்களில் களம் புகுந்த இங்கிலாந்து அணியின் இறுதிக்கட்ட பேட்ஸ்மேன்கள் பென் ஸ்டோக்ஸ்-க்கு ஒத்துழைப்பு அளிக்க மறுத்தனர். இதன் காரணமா,க தொடர்ந்து விக்கெட்களை இழந்து தடுமாறிக் கொண்டிருந்த வேளையில் இலங்கை அணியின் வேகப்பந்து வீச்சாளரான உதானாவின் ஓவரின் முதல் இரு பந்துகளில் சிக்ஸர் அடித்து நம்பிக்கை அளித்தார், பென் ஸ்டோக்ஸ். இருப்பினும், இங்கிலாந்து அணியின் பேட்ஸ்மேனான மார்க்வுட் தேவையில்லாமல் தனது விக்கெட்டை இழந்து இங்கிலாந்து அணியின் வெற்றிக்கு முட்டுக்கட்டை போட்டார். ஆட்ட முடிவில், இலங்கை அணி 20 ரன்கள் வித்தியாசத்தில் வெற்றி பெற்று அசத்தியது. இறுதி வரை ஆட்டமிழக்காமல் விளையாடிய பென் ஸ்டோக்ஸ் 82 ரன்களை குவித்து இருந்தார்.

#1.நியூசிலாந்து Vs தென்னாப்பிரிக்கா:

A Captain's innings from Kane Williamson took his team home

நியூசிலாந்து அணிக்கு எதிரான ஆட்டம் வாழ்வா - சாவா? என்ற போட்டியாக தென்னாபிரிக்க அணிக்கு அமைந்தது. தொடரின் ஒரு போட்டிகளில் கூட தோல்வி பெறாத நியூசிலாந்து, அதற்கு முன்னர் இலங்கை, வங்கதேசம் மற்றும் ஆப்கானிஸ்தான் அணிகள் புரட்டி எடுத்து 3 வெற்றிகளைக் கண்டு இருந்தது. தென்னாப்பிரிக்க அணியின் கேப்டன் டு பிளிசிஸ் டாஸில் தோற்று பந்துவீச்சாளர்களுக்கு சாதகமான மைதானத்தில் பேட்டிங் செய்யும் நிலைக்கு தள்ளப்பட்டார். இதன்படி களம் புகுந்த குயின்டன் டி காக் விக்கெட்டினை விரைவிலேயே இழந்தது, தென்னாப்பிரிக்க அணி. தொடரின் முதல் அரைசதம் கண்ட ஹசிம் அம்லா 83 பந்துகளில் 55 ரன்கள் குவித்து ஆட்டமிழந்தார். இதன் பின்னர், களமிறங்கிய பேட்ஸ்மேன்கள் சொற்ப ரன்களில் தனது விக்கெட்டை இழந்தனர். 49 ஓவர்களாக குறைக்கப்பட்ட இந்த போட்டியில் 241 ரன்கள் மட்டுமே தென் ஆப்பிரிக்கா அணியால் குவிக்க முடிந்தது.

இதன் பின்னர், இரண்டாவது இன்னிங்சை தொடங்கிய நியூசிலாந்து அணியின் தொடக்க ஆட்டக்காரரான காலின் மன்றோ விக்கெட்டை விரைவிலேயே இழந்திருந்தது. இருப்பினும், மற்றொரு தொடக்க ஆட்டக்காரரான மார்ட்டின் கப்தில் அதிரடியாக விளையாடினார். இந்த அதிரடியான ஆட்டங்களுக்கு முற்றுப்புள்ளி வைக்கும் வகையில், ராஸ் டெய்லர் மற்றும் டாம் லதம் ஆகியோரின் விக்கெட்டுகளை தனது அடுத்தடுத்த ஓவர்களில் வீழ்த்தினார், கிறிஸ் மோரிஸ். இதன் காரணமாக, நியூஸிலாந்து அணி 80 ரன்களுக்கு 4 விக்கெட்டுகளை இழந்து தவித்துக் கொண்டிருந்த வேளையில், கேப்டன் வில்லியம்சன் தனது போராட்டமான ஆட்டத்தினை தொடுத்தார். 72 பந்துகளில் அரைசதம் கடந்தார், வில்லியம்சன். இதன் பின்னர், களமிறங்கிய ஆல்ரவுண்டர் ஜிம்மி நீசம் விக்கெட்டையும் நியூஸிலாந்து அணி இழந்திருந்தது. ஆல்ரவுண்டர் காலிங் கிராண்ட் ஹோம் உடன் இணைந்து தனது பொறுப்பான ஆட்டத்தை வெளிப்படுத்திய வில்லியம்சன் அற்புதமாக சதம் அடித்து அணியை வெற்றி பெறச் செய்தார்.

தென்னாபிரிக்க அணியின் டேவிட் மில்லர் தனக்கு வழங்கப்பட்டிருந்த ரன்-அவுட் வாய்ப்பை வீணடித்தார். சுழற்பந்து வீச்சாளரான இம்ரான் தாகிரின் பந்தில் வில்லியம்சன் பேட்டில் சற்று உரசி விக்கெட் கீப்பரிடம் தஞ்சமடைந்தது. இதனை கண்டுகொள்ளாத தென் ஆப்பிரிக்க அணி வீரர்களுக்கு ஆட்டம் முடிவு சற்று பாதகமாக அமைந்தது. 7 பந்துகளில் 12 ரன்களை குவித்தால் வெற்றி என்ற நிலையில் விளையாடிய நியூசிலாந்து அணியின் கிராண்ட் ஹோம் விக்கெட்டை இழந்தார். இதன் பின்னர், ஆட்டத்தை சாதுரியமாக நகர்த்தி சிக்சர் மற்றும் பவுண்டரி அடித்து அணியை வெற்றி பெறச் செய்தார், கேப்டன் வில்லியம்சன்.

Be the first one to comment

Share

Show More Comments