ரியல் மாட்ரிட் அணியை புறக்கணித்த 6 பயிற்சியாளர்கள்

2. மாஸிமிலியானோ அலிக்ரி

மாஸிமிலியானோ அலிக்ரி

"எனக்கு வந்த ரியல் மாட்ரிட் பயிற்சியாளர் வாய்ப்பை நான் மறுத்துவிட்டேன். இதை நேரடியாகவே ரியல் மாட்ரிட் அணியின் தலைவர் பெரேஸிடம் தொலைபேசியில் தெரிவித்து விட்டேன். இந்த வாய்ப்பை வழங்கியத்ற்காக அவருக்கு நன்றி கூறிக் கொள்கிறேன். ஜூவெண்டஸ் அணி மீது நான் கொண்ட மரியாதையால் ரியல் மாட்ரிட் வாய்ப்பை ஏற்க முடியவில்லை" என பத்திரிக்கையாளர்களிடம் தெரிவித்தார் அலிக்ரி. இந்த முறை சாம்பியன்ஸ் லீக் கோப்பையை ஜூவெண்டஸ் அணி வெல்லாவிட்டால் இவரது பயிற்சியாளர் பதவி பறிபோகும் நிலை உள்ளது. இதற்கிடையில், இவரை தங்கள் பயிற்சியாளராக ஆக்க வேண்டும் என யுத்தத்தில் இறங்க தயாராக உள்ளது மான்செஸ்டர் யூனைடைட் அணியும் ரியல் மாட்ரிட் அணியும்.

1. ஆர்சென் வெங்கர்

ஆர்சென் வெங்கர்

ஆர்சென் வெங்கரை தங்கள் அணிக்குள் இழுக்க நீண்ட நாளாக முயற்சித்து வருகிறது ரியல் மாட்ரிட். இதை வெங்கர் ஒப்புக் கொண்டுள்ளார். இதுகுறித்து பத்திரிகையாளர்களிடம் வெங்கர் கூறுகையில்,

"எங்களுக்கென்று தனியாக நாங்கள் மைதானத்தை கட்டியபோது, கட்டாயம் ஐந்து வருடங்கள் அணியில் இருக்க வேண்டும் என்று வங்கி கூறியிருந்தது. அப்போது தான் முதல் முறையாக ரியல் மாட்ரிட் என்னை அணுகியது. எனது அணியின் நம்பிக்கையை கெடுத்தது போல் ஆகிவிடும் என்று கூறி அதை மறுத்து விட்டேன். அதன் பிறகும் என்னை மூன்று, நான்கு முறை அணுகினர். நான் சிறு வயதிலிருந்து ரியல் மாட்ரிட் அணியை விரும்பி வருகிறேன். அவர்கள் அழைத்த சமயம் ஆர்செனல் அணிக்கு மிகவும் முக்கியமான காலகட்டம். முடிவில் நான் எங்கு நன்றாக இருப்பேனோ அங்கு இருப்பதில் மகிழ்ச்சியே" என்றார்.

தற்போது வெங்கரும் எந்த அணியிலும் இல்லை. ரியல் மாட்ரிட் அணிக்கும் பயிற்சியாளர் இல்லை. இவர்கள் இருவரும் இணைய இது தான் சரியான நேரமா?