வியப்பில் ஆழ்த்தும் ஐந்து விலையுயர்ந்த பொருட்களை வைத்திருக்கும் WWE-ன் சிறந்த நட்சத்திரங்கள்
WWE என்பது, பொழுதுபோக்கிற்காக நடத்தப்படும் மல்யுத்த நிகழ்ச்சியாகும். அமெரிக்காவை மையமாக கொண்டு செயல்படும் இந்த நிகழ்ச்சிக்கு, உலகம் முழுவதும் கோடிக்கணக்கான ரசிகர்கள் உள்ளனர். ஆனால் அங்கு ஒரு மல்யுத்த வீரரின் வாழ்க்கை அவ்வளவு கவர்ச்சிகரமானதாக இருப்பதில்லை. அவர்கள் வாழ்க்கை பெரும்பாலும் ஒரு நகரத்தில் இருந்து மற்றொரு நகரத்திற்கு பயணிப்பது, காயங்களிலிருந்து பாதுகாத்துக் கொள்வது, எப்போதும் விடுதிகளிலேயே தங்குவது என்று வேறொரு பரிணாமத்தில் இருக்கும்.
ஆனால் இந்த கஷ்டங்கள் அனைத்துமே அவர்கள் பெறும் பெரும் சம்பளத்திலும், வருடாவருடம் நடக்கும் WWE-ன் முக்கிய போட்டிகளில் சிறந்த வீரராக ஜொலிப்பதிலும், அவர்களுடைய நுழைவு இசை கேட்டவுடன் ஆர்ப்பரித்து கை தட்டி ஆரவாரத்துடன் வரவேற்கும் ரசிகர்களின் சத்தங்களிலும் ம(றை)றந்துவிடுகின்றன.
சரி இப்படி இருக்கையில் இனி WWE -ன் மிக பிரபலமான நட்சத்திரங்களிடம் உள்ள விலையுயர்ந்த வினோத பொருட்களை பற்றி காண்போம்.
1. ஜான் ஸீனாவின் வியக்கவைக்கும் மாளிகை வீடு
WrestleMania எனப்படும் முக்கிய போட்டியில் ஜான் ஸீனா மகுடம் சூடிய பிறகு WWE-ன் முன்னனி வீரராக மட்டும் அல்ல அதன் முகமாகவே மாறினார். இதுவரை இவர் 16 முறை சாம்பியன் பட்டத்தை வென்றிருக்கிறார். மேலும் WWE- வை தாண்டி சினிமாக்களில் நடிப்பது, தொலைக்காட்சி நிகழ்ச்சிகளில் சிறப்பு விருந்தினராக கலந்து கொள்வது மற்றும் அந்த நிறுவனத்தின் நிகழ்ச்சியான டோட்டல் டிவாஸ், டோட்டல் பெல்லாஸ் ஆகியவற்றை நடத்துவது என தன் வாழ்க்கையின் வட்டத்தை பெரிதாக்கியுள்ளார்.
அமெரிக்காவின் புளோரிடா மாகாணத்தில் உள்ள டாம்பாவில் அமைந்துள்ளது இவரின் மாளிகை. இந்த இடத்தை தான் மல்யுத்த நட்சத்திரங்கள் பெரும்பாலும் தங்கள் வசிப்பிடமாக தேர்ந்தெடுக்கின்றனர்.
இந்த வீட்டின் மதிப்பு சுமார் ஆறு மில்லியன் டாலர் ஆகும். இதற்கென்று தனி தொழில்நுட்பத்தினாலான தடுப்புச்சுவர் உள்ளது. காரணம் இவரின் வெறித்தனமான ரசிகர்களாம். மேலும் இங்கு தனி நடைப்பயிற்சி கழிப்பிடம், தனி எலிவேட்டர்(மின்த்தூக்கி), உலகின் விலையுயர்ந்த சிகரெட்டுகளோடு கூடிய புகை பிடிக்கும் அறை(ஆண்களுக்கு மட்டும்), மிகப்பெரிய நீச்சல் குளம், அதிநவீன உபகரணங்களை உள்ளடக்கிய உடற்பயிற்சி கூடம் மற்றும் நாம் அறிந்திராத உயர்ரக கார்களும் உள்ளன. ஒரு ஊருக்கே தேவையான அனைத்து வசதிகளையும் உள்ளடக்கிய இந்த வீட்டில் ஜான் ஸீனா மற்றும் அவரது மனைவி நிக்கி பெல்லா மட்டுமே வாழ்ந்து வந்தனர், ஆனால் தற்போது நிக்கியின் சகோதரி ப்ரி பெல்லா மற்றும் இவரது கணவரான மற்றுமொரு உச்ச நட்சத்திரம் டேனியல் பிரையன் இருவரையும் பல நிபந்தனை ஒப்பந்தங்களோடு அந்த மாளிகையில் இருக்க ஜான் ஸீனா அனுமதித்துள்ளார்.