WWE-வில் அதிக மல்யுத்த போட்டிகளில் பங்கேற்றுள்ள வீரர்கள் - பாகம் 1

WWE மல்யுத்த போட்டியானது பல ஆண்டுகளாக நடந்து வந்தாலும் அவற்றில் ஒரு சில வீரர்கள் மட்டுமே அதிக முறை போட்டிகளில் கலந்து கொள்கின்றனர். வாரத்திற்கு இரண்டு நிகழ்ச்சிகள் மட்டுமே நடத்தப்படுகிறது. அதுமட்டுமின்றி மாதத்திற்கு ஒரு முறை சிறப்பு போட்டிகளும் நடத்தப்படுகின்றன. அதில் மிக பிரபலமான வீரர்கள் மட்டுமே பெரும்பாலும் கலந்து கொள்கின்றனர். அந்த வகையில் WWE மல்யுத்த போட்டிகளில் அதிக போட்டிகளில் கலந்துள்ள வீரர்களின் டாப்-10 பட்டியலை இந்த தொகுப்பில் காணலாம்.

#10) ரேன்டி ஆர்டன் -1349

Randy Orton

இந்த வரிசையில் பத்தாம் இடம் வகிப்பவர் ரேன்டி ஆர்டன். தற்போதைய தலைமுறையில் சிறந்த வீரர்களுள் ஒருவராக பார்க்கப்படும் இவர் ஜான் சீனா மற்றும் ப்ராக் லெசனர் ஆகியோர் அறிமுகமாகும் காலகட்டங்களிலேயே அறிமுகமானாலும் கடந்த சில ஆண்டுகளாக தான் மிகப்பெரிய வீரராக உருவெடுத்துள்ளார். இவர் பாடிஸ்டா, அண்டர்டேகர், ஜான் சீனா, சேன் மைக்கிள் என பல முன்னணி வீரர்களுடனும் போட்டியிட்டுள்ளார். 15 ஆண்டுகளுக்கு மேலாக மல்யுத்த போட்டிகளில் கலந்து கெள்ளும் இவர் இதுவரை 1300 பேட்டிகளையும் கடந்துள்ளார்.

#9) ஜான் சீனா - 1369

Cena is regarded as one of the best in the WWE

WWE வரலாற்றிலேயே பிரபலமான வீரர்களுள் ஜான் சீனாவுக்கு முக்கிய இடமுண்டு. இவருக்கு ரசிகர்கள் ஆதரவும் மிக அதிகமே. திரைப்படங்களில் நடிக்கும் நடிகர்கள் மற்றும் இதர விளையாட்டு வீரர்களின் அளவுக்கு இவருக்கு உலகம் முழுவதும் ரசிகர்கள் உள்ளனர். இவரும் 1300 போட்டிகளைக் கடந்தும் இன்றளவும் போட்டிகளில் பங்கேற்று வருகிறார். இதுவரை இவர் 13 முறை வேர்ல்டு சாம்பியன் பட்டத்தை பெற்றுள்ளார். WWF நிகழ்ச்சியானது WWE ஆக மாற்றப்பட்ட பிறகு பெரும்பான்மையான போட்டிகள் கலந்து கொண்டுள்ளார் இவர்.

#8) டால்ப் ஜிக்லர் - 1468

Ziggler is a five-time Intercontinental Champion

இந்த வரிசையில் இவரது பெயர் இருப்பது பலருக்கு ஆச்சர்யமளிக்கலாம். 2004 ஆம் ஆண்டு முதல் ராவ் நிகழ்ச்சியில் கலந்துகொண்டு வரும் இவர் வரிசையாக அனைத்து நிகழ்ச்சிகளிலும் பங்கேற்றதன் மூலம் இந்த பட்டியலில் 8 வது இடத்தில் உள்ளார். 2010 முதல் இவர் பல பட்டங்களை வென்றுள்ளார். மனி இன் தி பேங்க் போட்டியிலும் ஒரு முறை வென்றுள்ளார் இவர். 2016 ஆம் ஆண்டு முதல் ஸ்மேக் டவுன் நிகழ்ச்சிக்காக ஒப்பந்தமாகியுள்ளது குறிப்பிடத்தக்கது.

#7) பூபா ரே டுட்லே - 1508

Bubba Ray Dudley still competes in various promotions

பூபா ரே டுட்லே தனது டேக் டீம் கூட்டாளியான டி-வான் டுட்லே உடன் இணைந்து கிட்டத்தட்ட இரண்டு சகாப்தங்களை கடந்து மல்யுத்த போட்டிகளில் கலந்து கொண்டுள்ளார். இவர் தனது மல்யுத்த போட்டிகளில் ECW நிகழ்ச்சியின் மூலம் அறிமுகமானார். அதன்பின் WWE போட்டிகளில் தொடர்ச்சியாக கலந்து கொண்டு வந்தார். இவர் தனது சகோதரருடன் இணைந்து சிறந்த டாக் டீம் அணியாக பல ஆண்டுகள் விளங்கி வந்துள்ளனர். அதுமட்டுமின்றி தனி நபராகவும் இவர் சிறந்த வீரராக விளங்கியுள்ளார்

1 / 2 NEXT

Published 07 Jun 2019, 23:30 IST

Feedback