WWE என்பது ஏற்கனவே சொல்லிவைத்துவிட்டு அதன்படி நடைபெறும் ஒரு தொழில்முறை மல்யுத்தம் ஆகுமென்பது நாம் அறிந்ததே, ஆனால் அதை மறக்கடிக்கும் வண்ணம் அவர்கள் நம்பகத்தன்மையுடன், நிஜமான சண்டை போல நடத்துவதுதான் இன்றுவரை ரசிகர்களை இந்நிகழ்ச்சியை வாரவாரம் காணவைக்கிறது. இவர்கள் இந்நிகழ்ச்சியை மிகவும் பிரம்மாண்டமாகவும், சுவாரஸ்யம் குறையாமல் நடத்துவதும், அதற்காக அவர்கள் எடுக்கும் ஆபத்தான முயற்சிகளும்தான் இவர்களை அடுத்தடுத்த நிலைகளுக்கு கொண்டு செல்கிறது. இருப்பினும் இந்த போலியான நம்பகத்தன்மை விதியின் வசம் பல நேரங்களில் கையும் களவுமாக சிக்கியிருக்கிறது என்பதே நிதர்சனம்.
தவறான நேரத்தில் காமிராவில் சரியாக பதிவாகிய WWE-ன் ஐந்து ரகசியங்களைப் பற்றி இந்தப் பதிவில் காண்போம்.
#5. ஸ்டிங்கிடம் மன்னிப்புக் கேட்ட ஷெத் ரோலின்ஸ்.
WWE-ன் மெயின் ஈவன்ட்களில் ஒன்றான நைட் ஆஃப் சாம்பியன்ஸில் ஸ்டிங் மற்றும் ஷெத் ரோலின்ஸூக்கு இடையே நடந்த போட்டி அது ,ஸ்டிங்கிற்கு அதுதான் WWE ல் இரண்டாவது போட்டியாகும், அவரும் தனது பங்கிற்கு நன்றாகத்தான் சண்டையிட்டு வந்தார். ஆனால் ஒருகட்டத்தில் முன்னெழுதப்படாத மூவ் ஒன்றை ரோலின்ஸ் ஸ்டிங்கிற்கு செய்தார். இதில் நிலைதடுமாறிய ஸ்டிங் மீண்டும் போட்டிக்கு மருத்துவர்களின் பரிசோதனைக்குப் பின்புதான் திரும்பினார். உடனே தன்னிலை அறியாமல் அவரிடம் மன்னிப்பு கேட்டார் ரோலின்ஸ். இது துரதிர்ஷ்டவசமாக காமிராவில் பதிவாகி வைரல் ஆனது.
#4. ஸீனா அடுத்த நகர்வை உரக்கச் சொன்னது.
WWE-ன் பெரும்பாலான போட்டிகள் எவ்விதம் செல்ல வேண்டுமென ரிங்கில்தான் மல்யுத்த வீரர்கள் தங்களது நடவடிக்கைகள் மூலம் ஒருவருக்கொருவர் பரிமாறிக்கொள்வர். அதில் சிலர் சைகையினாலும், சிலர் ரகசிய பேச்சுக்கள் மூலமும் எதிராளிக்கு கூறுவது வழக்கம். ஆனால் சில வீரர்கள் இதைத் தெரிவிக்கும் போது பார்வையாளர்களிடமோ, காமிராவிடமோ சிக்கிக்கொள்வார்கள்.
அந்த வகையில் சிறந்த வீரரான ஜான் ஸீனா நேரலை நிகழ்ச்சிகளில் எதிராளியின் அடுத்த நகர்வு எதுவென உரக்கச் சொல்லி அடிக்கடி சர்ச்சையில் சிக்கிக்கொள்வார். ஒருமுறை சிஎம் பன்ங்கிற்கு எதிரான சண்டையில் ஜான் ஸீனா பன்ங்கிடம், அடுத்து என்னை உதை என்று சற்று சத்தமாக சொல்லி காமிராவிலும் அங்கு முன்னாள் கூடியிருந்த ரசிகர்களிடமும் மாட்டிக்கொண்டார். இந்த வீடியோ வெளியாகி ஸீனாவை நெட்டிசன்கள் வசைபாடினர். அவர் ஆரம்ப காலத்தில் கவனித்து செயலாற்றியிருக்க வேண்டிய விஷயங்களில் இதுவும் ஒன்று.
#3. உடைபட்ட சின்காராவின் ரகசியம்
சின் காராவின் கதாபாத்திரத்தின் தன்மை அவ்வப்போது மாறிக்கொண்டே வரும். அதிலும் அவர் ரிங்கிற்குள் நுழையும் விதம் ரசிகர்களை பெரும் ஆச்சரியத்தில் ஆழ்த்தியது. காரணம் அவர் ஓடி வந்த வேகத்தில் அப்படியே தரையிலிருந்து குதித்து ரிங்கிற்குள் நுழைவார். ஆனால் இவ்வாறு குதிப்பது சராசரி மனிதனால் சாத்தியமில்லை. இதன் ரகசியங்கள் அனைத்தும் பார்வையாளர் வெளியிட்ட வீடியோவால் வெளிப்பட்டது. அதில் அவர் ரிங்கிற்குள் தரையிலிருந்து நேரடியாக தாவுவதில்லை என்பதும் இருந்தது. அதைப் பார்த்த பிறகு ரசிகர்களுக்கு அதிர்ச்சியும் அவரின்பால் அதிருப்தி ஏற்பட்டது. அதன் பிறகு அவர் சண்டையிடும் சில யுக்திகளிலும் சர்ச்சையில் சிக்கி ரசிகர்களின் வெறுப்புகளுக்கு ஆளானார்.
#2. பிளேடிங்
பிளேடிங் செயல் எப்போதும் பாதுகாக்கப்படும் ரகசியங்களில் ஒன்று. WWE ல் ரத்தம் என்பது அந்த சண்டைக்கு மேலும் நம்பகத்தன்மை ஏற்படுத்தும் கூறுகளில் ஒன்று. இந்த பிளேடிங் மூலம் மல்யுத்த வீரர்கள் தங்களுக்கு தங்களின் மூலமே காயம் ஏற்படுத்திக்கொண்டு ரத்தத்தை வரவைப்பர். இந்த பிளேடுகளை இவர்கள் ரசிகர்களின் கண்களில் படாமல் மிகவும் ரகசியமாகவும் அதேசமயம் மிகவும் கவனத்துடனும் கையாள்வார்கள். ஆனால் மற்ற சம்பவங்களை போலவே இதுவும் காமிராவில் சிக்கியிருக்கிறது.
ஜான் ஸீனாவிற்கும் ரேண்டி ஆர்டினிற்கும் இடையேயான சண்டையில் தீடீரென ஸீனாவிடமிருந்து பிளேடு தவறுதலாக கீழே விழுந்துவிடும், பிறகு அதை நடுவர் சட்டென்று எடுத்து மறைத்து விடுவார்.
இது நிச்சயமாக வீடியோவில் காணும் அளவிற்கு அவ்வளவு அழகான பதிவு அல்ல. ஆனால் மறுபடியும் மல்யுத்த வீரர்கள் தங்களின் பெரும்பான்மையை நிலைநாட்ட எவ்வளவு ஆபத்தான செயல்களிலும் இறங்க தயாராக உள்ளனர் என்பதை பிளேடிங் உணர்த்துகிறது
#1. தி எம்எஸ்ஜி-ல் ஏற்பட்ட கர்டெயின் கால் நிகழ்வு.
இந்த நிகழ்வுதான் தொழில்முறை மல்யுத்தத்தின் போக்கையே மாற்றியது எனலாம். WWE அப்போது தங்களை முன்னணி பொழுதுபோக்கு நிகழ்ச்சியாக நிலைநிறுத்திக் கொள்ளவும் அதே சமயத்தில் அவர்களின் நம்பகத்தன்மையையும் சேர்த்து தக்கவைத்துக் கொள்ளவும் முயற்சித்து வந்தது. ஆனால் க்ளிகு(kliq) என்னும் அணியிடம் வேறொரு திட்டம் இருந்தது. நிஜ வாழ்க்கையில் நெருக்கமான நண்பர்களாக இருப்பவர்களுக்கிடையே சண்டை வைக்கும் திட்டம்தான் அது.இதனை மெக்மான் என்பவர் தனது அணியான க்ளிகுவில் அறிமுகப்படுத்தினார். இந்த சண்டை பார்வையாளர்களுக்கு நல்ல விருந்தாக அமைந்தது. வெறும் செய்யும் தொழிலுக்காக சண்டையிட்டனர். சண்டை முடிந்த அடுத்த நிமிடமே ட்ரிபிள் எச், ஷான் மைக்கேல்ஸ், கெவின் நாஷ் மற்றும் ஸ்காட் ஹால் ஆகியோர் ஒருவரை ஒருவர் கட்டியணைத்து மீண்டும் ஒன்று சேர்ந்துகொள்வார்கள்.
இந்த நிகழ்வு அங்கு கூடியிருந்த பார்வையாளர்களிடம் குழப்பத்தை ஏற்படுத்தியது. இந்த வீடியோ வெளிவந்து காட்டுத்தீ போல பரவியது. இதனால் கடும் கோபமடைந்த மெக்மான் அந்த அணியிலிருந்த டிரிபிள் எச்-க்கு மட்டும் தண்டனை வழங்கினார். காரணம் அணியிலிருந்த மற்றவர்களில் இருவரான கெவின் நாஷ் மற்றும் ஹால் ஆகியோருக்கு அதுதான் WWE ல் கடைசி போட்டி அதன் பிறகு அவர்கள் இருவரும் WCW எனப்படும் மற்றொரு மல்யுத்த நிறுவனத்தில் ஒப்பந்தமாகியிருந்தனர், இதனால் அவர்களை தண்டிப்பதில் பயனில்லை. மேலும் ஷான் மைக்கேல்ஸ் அப்போது WWE-ன் சாம்பியனாக இருந்ததால் அவரை மெக்மானால் தண்டிக்க முடியாமல் போனது. மெக்மானின் தண்டனைக்கு ஆளான டிரிபிள் எச், கிங் ஆப் தி ரிங் போட்டியில் கலந்துகொள்ளும் அரிய வாய்ப்பை இழந்தார். இந்த வாய்ப்பு அப்போது அறிமுகமான ஸ்டான் கோல்ட்-க்கு கிடைத்து. அவர் கிங் ஆப் தி ரிங்-காக ஆனார். அதன் பிறகுதான் அவர் புகழின் உச்சிக்கே சென்றார் என்பது குறிப்பிடத்தக்கது. ஒருவேளை இந்த நிகழ்வு நடைபெறாமல் போயிருந்தால் ஸ்டான் கோல்ட் என்பவர் இந்த உலகின் பார்வையில் படாமலே இருந்திருக்கக்கூடும்.
இந்த ஐந்து நிகழ்வுகளும் இதுவரை கேமராவில் பதிவான WWE-ன் ரகசியங்களில் மிகவும் முக்கியமானவையாகும்.
