Create
Notifications
Favorites Edit
Advertisement

ஒரே ஒரு நாள் மட்டும் WWE சாம்பியன்ஷிப் பெல்ட்டை வைத்திருந்த ஐந்து வீரர்கள்

TOP CONTRIBUTOR
முதல் 5 /முதல் 10
Modified 20 Dec 2019, 20:27 IST

Rey mysterio
Rey mysterio

WWE சாம்பியன்ஷிப் பெல்ட்டை ஒருவரிடமிருந்து பறிப்பது WWE போட்டியில் ஒரு பகுதியாகும். இவ்வாறு பறிப்பதினாலோ அல்லது பறிகொடுப்பதினாலோ அந்த வீரர்களின் பெயர் பல வருடங்கள் கழித்தும் WWE ன் வரலாற்றில் இடம்பெறும். அந்த வகையான மேட்ச்சுகளை ரசிகர்களும் அவ்வளவு எளிதில் மறந்து விட மாட்டார்கள்.

WWE சாம்பியன்ஷிப் பெல்ட்டை பற்றி, வீரர்கள் அனைவருக்கும் உள்ள ஒத்த கருத்து என்னவென்றால், அவர்கள் ஆணோ அல்லது பெண்ணோ WWE ல் உள்ள வீரர்களுக்கு, அந்த மேட்ச் கடினமானதோ சுலபமானதோ, அந்த மேட்ச் புதுமாதிரியானதோ இல்லையோ, அது ரசிகர்களால் கொண்டாடப்படுகிறதோ இல்லையோ சாம்பியனாக ஆகியே தீர வேண்டும் என்பதாகும்.

WWE ல் உள்ள ஒவ்வொரு சாம்பியன்ஷிப்பிற்கும் தன்னகத்தே ஒரு வரலாறு உண்டு. அதிலும் WWE சாம்பியன்ஷிப் பெல்ட் அறிமுகப்படுத்தப்பட்டு இந்த வருடத்துடன் 55 ஆண்டுகள் ஆகிறது.

சில சாம்பியன்ஷிப்கள் தற்போது அறிமுகப்படுத்தப்பட்டதால் இன்னும் பிரபலமாகமலே இருக்கின்றன. குறிப்பாக சொல்ல வேண்டுமானால் NXT யுனைடெட் கிங்டம் சாம்பியன்ஷிப்.

ஒரு சில சூப்பர் ஸ்டார்களைப் பொருத்தவரை, அவர்கள் பல்வேறு கடினமான சண்டைகளுக்குப் பிறகு இறுதியாக சாம்பியன்ஷிப் பெல்ட்டை கைப்பற்றுவர், ஆனால் அது விரைவிலேயே அவர்களிடமிருந்து பல்வேறு காரணங்களுக்காக பறிக்கப்பட்டுவிடும்.

அப்படி விரைவிலேயே பறிக்கப்பட்ட சாம்பியன்ஷிப் பெல்ட்டை வைத்திருந்த ஐந்து வீரர்களின் பட்டியலை இந்தக் கட்டுரையின் மூலம் காணலாம்.

 

 

#5. WWE சாம்பியன் யோக்கோஜுனா(1993).


யோக்கோஜுனா
யோக்கோஜுனா
Advertisement

மலை போன்ற மனிதனான யோக்கோஜுனா விதியின் வசத்தால் 1993 ல் நடந்த ராயல் ரம்பள் வின்னராக ஆனார். அதன் மூலம் ப்ரட் ஹார்ட்டிற்கு எதிராக WWE சாம்பியன்ஷிப் மேட்ச்சுகான வாய்ப்பு அமைந்தது. இதன் காரணமாக சீஸர்ஸ் பேலஸ்-ல் நடைபெற்ற Wrestlemania 9 வில் Mr. வுஜியின் உதவியுடன் யோக்கோஜுனா ஹிட் மேனை வீழ்த்தி சாம்பியன் ஆனார். ஆனால் அதை கொண்டாடும் முன்பே வுஜி, யோக்கோஜுனாவை ஹல்க் ஹோகனுடன் மோத வைத்தார். ஹல்க் ஹோகனும் பல நாள் கழித்து WWE க்கு திரும்பிய உற்சாகத்தில் இருந்த காரணத்தால் எதிர்பார்த்தது போலவே ஏற்கனவே களைத்திருந்த யோக்கோஜுனாவை வீழ்த்தி சாம்பியன் பட்டத்தை வென்றார்.

 

இப்படியொரு மேட்ச் அமைந்ததற்கான காரணம் ஹோகன், ப்ரட் ஹார்டிடம் சம்மர் ஸ்லாமில் தன்னுடைய சாம்பியன்ஷிப் பெல்ட்டை இழக்க வேண்டும் என்பதற்காக. இதற்கு ஹல்க் ஹோகன் சம்மதிக்க காரணம் மீண்டும் தனது பெல்ட்டை யோக்கோஜுனாவிடம் கிங் ஆப் தி ரிங்ஸில் இழக்கக்கூடாது என்பதற்காகவே. 

#4. WWE சாம்பியன் ரே மிஸ்டீரியோ(2011).


ரே மிஸ்டீரியோ
ரே மிஸ்டீரியோ

சிஎம் பன்ங் 2011 ஆம் ஆண்டு நடைபெற்ற மனி இன் த பாங்க் ல் இருந்து வெளியேறினார். இதனால் அடுத்த வாரம் WWE RAW சாம்பியன் இல்லாமல் செயல்படும் நிலைக்குத் தள்ளப்பட்டது. மிக விரைவான விவாதங்களுக்குப் பிறகு நடத்தப்பட்ட WWE சாம்பியனுக்கானப் போட்டியில் ரே மிஸ்டீரியோ வெற்றி பெற்றார். வேர்ல்ட் சாம்பியன் பட்டத்தை வென்ற ஒரு வருட இடைவெளிக்குப் பிறகு WWE சாம்பியன் ஆனார் ரே மிஸ்டீரியோ. 619 மாஸ்டரான மிஸ்டீரியோ தி மிஸ் ஐ வீழ்த்தி இந்த வெற்றியை பெற்றார். ஆனால் இந்த வெற்றி நெடுநேரம் நீடிக்கவில்லை. அன்றிரவே நடைபெற்ற சாம்பியன்ஷிப் மேட்ச்சில் ஜான் ஸீனாவிடம் தனது பெல்ட்டை பறிகொடுத்தார் ரே மிஸ்டீரியோ .

இதில் நகைச்சுவை என்னவென்றால் அந்த வார RAW WWE சாம்பியன் இல்லாமல் ஆரம்பித்தது. அதன் பிறகு எட்டு நாட்கள் கழித்து மீண்டும் சிஎம் பன்ங் WWEக்கு திரும்பினார் இதனால் WWE இரண்டு WWE சாம்பியன்களோடு இருந்தது. 

1 / 2 NEXT
Published 18 Dec 2018, 13:05 IST
Advertisement
Advertisement
Fetching more content...