ஒரே ஒரு நாள் மட்டும் WWE சாம்பியன்ஷிப் பெல்ட்டை வைத்திருந்த ஐந்து வீரர்கள்

#3. WWE சாம்பியன் ரேண்டி ஆர்டன் (2007).

ரேண்டி ஆர்டன்

இது சற்று வித்தியாசமான மேட்ச் ஆகும். ஏனென்றால் ரேண்டி ஆர்டனுக்கு மிக விரைவில் சண்டையிடாமலேயே WWE சாம்பியன்ஷிப் பெல்ட் தரப்பட்டது.

2006 லிருந்து 2007 வரை வீழ்த்த முடியாத WWE சாம்பியனாக வலம் வந்து கொண்டிருந்தார் ஜான் ஸீனா. 2006 ஆம் ஆண்டு எட்ஜ் இடமிருந்து "UNFORGIVEN"-ல் வென்ற ஸீனா அதை பல்வேறு புதிய மற்றும் பழைய நட்சத்திர வீரர்களை(உமாகா, ஷான் மைக்கேல்ஸ், கிங் பூக்கர் டீ, மிக் போலி மற்றும் பாபி லாஸ்லி) வீழ்த்தி அதை கெட்டியாக பிடித்து வைத்திருந்தார். பின்னர் 2007 ல் நடந்த நோ மெர்ஸியில் அவருக்கு காயம் ஏற்பட்டது, அப்போது வந்த மிஸ்டர் மெக்மான் திடீரென ரேண்டி ஆர்டனை வரச் செய்து ஜான் ஸீனாவிடம் இருந்து வலுக்கட்டாயமாக பெல்ட்டை வாங்கி ரேண்டியிடம் அளித்தார். இது அங்கிருந்த ரசிகர்களை அதிர்ச்சியில் ஆழ்த்தியது. ரேண்டி ஆர்டன் RAW வின் டாப் ஸ்டாராக விளங்கினார் என்பது குறிப்பிடத்தக்கது.

#2.WWE சாம்பியன் ட்ரிபிள் எச் (2007).

ட்ரிபிள் எச்

ரேண்டி ஆர்டன் சண்டையிடாமலேயே சாம்பியன்ஷிப் பெல்ட்டை பெற்றதால் அடுத்த மெயின் ஈவன்ட்டில் தனது பெல்ட்டுக்கான மேட்ச்சில் ட்ரிபிள் எச் ஐ எதிர்கொண்டார். ட்ரிபிள் எச் 19 மாதங்களாக WWE எந்தவித சாம்பியன்ஷிப்பையும் வெல்லாமல் இருந்தார். சுமார் 20 நிமிடங்கள் நடைபெற்ற இந்தப் போட்டியின் முடிவில் ட்ரிபிள் எச் சாம்பியன்ஷிப் பெல்ட்டை வென்றார். ஆனால் மிஸ்டர் மக்மஹோன் கைப்பாவையாக ட்ரிபிள் எச் செயல்படமாட்டார் என்பதால், உமாகா வுடன் மற்றொரு மேட்ச்சை பிக்ஸ் செய்தார் மக்மஹோன். இதிலும் கடுமையாக போராடிய ட்ரிபிள் எச் இறுதியில் வெற்றி பெற்றார். அப்போதும் விடாத மக்மஹோன் ஓய்வு எடுத்துக் கொண்டிருந்த ரேண்டி ஆர்டனுடன் லாஸ்ட் மேன் ஸ்டான்டிங் மேட்ச்சிற்கு உத்தரவிட்டார். இது ட்ரிபிள் எச்சிற்கு அன்றிரவினுடைய மூன்றாவது மேட்ச். இதானால் தொடர்ந்து போராட முடியாத ட்ரிபிள் எச் தன்னுடைய சாம்பியன்ஷிப் பெல்ட்டை இழக்க நேர்ந்தது

இதுவே ட்ரிபிள் எச் விரைவாக இழந்த சாம்பியன்ஷிப் ஆகும்.

#1. WWE வேர்ல்ட் சாம்பியன் ரோமன் ரெய்ங்ஸ் (2015).

ரோமன் ரெய்ங்ஸ்

அப்போது WWE சாம்பியனாக இருந்த ஷெத் ராலின்ஸ் காயம் காரணமாக வெளியேறினார். இதனால் மீண்டும் சாம்பியன் இல்லாத நிலைக்குத் தள்ளப்பட்டது WWE. 2011 ல் நடத்தப்பட்டது போலவே ஒரு WWE CHAMPIONSHIP TOURNAMENT இந்த முறையும் நடத்தப்பட்டது. இதில் இறுதியில் ஷீல்டின் பிரதர்ஸான டீன் ஆம்ரோஸ் மற்றும் ரோமன் ரெய்ங்ஸ் மோதினர். நினைத்தது போலவே இந்தப் போட்டியின் முடிவில் ரோமன் ரெய்ங்ஸ் WWE வேர்ல்ட் சாம்பியன் ஆனார். இதன் மூலம் WRESTLEMANIA வின் மெயின் ஈவன்ட்டில் சாம்பியனாக வலம் வர வேண்டும் என்ற கனவை நனவாக்கி விட்டதாக சந்தோஷத்தில் இருந்தார் ரோமன். ஆனால் இதை தவிடுபொடி ஆக்கும் விதமாக தன்னுடைய மனி இன் த பாங்க் டைட்டில் வைத்து ஒப்பந்தம் செய்து, ரோமனை சாம்பியன்ஷிப்பை வைத்து போட்டியிட செய்தார் ஷேமிஸ். இதில் ஷேமிஸ் வெற்றியும் பெற்றார். ரோமன் ரெயின்ஸ் வெறும் ஐந்து நிமிடங்கள் பதினைந்து நொடிகள் மட்டுமே சாம்பியனாக இருந்தார். அவர் அதன் பிறகு பலமுறை சாம்பியன்ஷிப் பெல்ட் வென்றிருந்தாலும் முதல் முறையாக வென்ற சாம்பியன்ஷிப் பெல்ட்டை பறிகொடுத்தது அவருக்கும் அவரது ரசிகர்களுக்கும் மறக்க முடியாத ஒரு நிகழ்வாக இருக்கிறது.