எஞ்சியுள்ள ஐபிஎல் போட்டிகளில் விளையாட வேண்டிய மூன்று வெளிநாட்டு வீரர்கள்

2019 ஐபிஎல் தொடர் லீக் ஆட்டங்கள் முடிவு பெறும் நிலையில் உள்ளன. தற்போது ஒவ்வொரு லீக் போட்டியும் புள்ளிப் பட்டியலில் முக்கிய மாற்றத்தை ஏற்படுத்தும். 45 வது லீக் ஆட்டம் வரை சென்னை சூப்பர் கிங்ஸ் அணி மற்றும் டெல்லி டேர்டெவில்ஸ் அணிகள் மட்டுமே ப்ளே ஆப் சுற்றுக்கு தகுதி பெற்றுள்ளன. இன்னும் 11 லீக் போட்டிகளே எஞ்சியுள்ள நிலையில் ப்ளே ஆப் சுற்றுக்கு தகுதி பெற மீதமுள்ள மூன்று இடங்களுக்கு ஒவ்வொரு அணியும் போட்டியிடுகின்றன. ஐபிஎல் விதிகள் படி, ஒரு அணியில் 8 வெளிநாட்டு வீரர்கள் இடம் பெறலாம். இருப்பினும், ஆடும் லெவனில் நான்கு பேர் மட்டுமே விளையாட அனுமதிக்கப்படுவர். அந்த வகையில், இதுவரை ஆடும் லெவனில் இணைக்கப்படாத வீரர்கள் இனி வரும் போட்டிகளிலாவது இடம் பெறுவார்களா என்பது கேள்விக்குறிதான். எனவே, இனிவரும் போட்டிகளில் கட்டாயம் இடம் பெற வேண்டிய வெளிநாட்டு வீரர்களைப் பற்றி இந்த தொகுப்பு விவரிக்கின்றது.

#1.மார்ட்டின் கப்தில்:

Martin Guptill (left) can get a chance in the upcoming fixtures (Picture courtesy: iplt20.com)

டி20 போட்டிகளில் 6 ஆயிரத்துக்கும் மேற்பட்ட ரன்களும் 100க்கும் மேற்பட்ட பவுண்டரிகளும் நான்கு சதங்களும் 42 அரைச்சதங்களையும் குவித்த வீரரான மார்ட்டின் கப்தில், ஐபிஎல் தொடர்களில் தொடர்ந்து புறக்கணிக்கப்பட்டு வருகிறார். ஒருவழியாக 2016ம் ஆண்டு மும்பை இந்தியன்ஸ் அணியில் காயத்தால் விலகிய வெஸ்ட் இண்டீஸ் வீரர் லென்டில் சிம்மன்ஸ்க்கு பதிலாக ஒப்பந்தம் செய்யப்பட்டார். அடுத்து வந்த சீசனில் கிங்ஸ் லெவன் பஞ்சாப் அணிக்காக 50 லட்சத்திற்கு ஒப்பந்தமானார். 2016 மற்றும் 2017 ஆம் ஆண்டுகளில் நடைபெற்ற ஐபிஎல் தொடரில் மொத்தம் 10 போட்டிகளில் மட்டுமே விளையாடி உள்ளார். கடந்த ஆண்டு எந்த அணியும் இவரை எடுக்க முன்வரவில்லை. ஆனால், நடப்பு ஐபிஎல் தொடரில் சன்ரைசர்ஸ் ஐதராபாத் அணியில் இடம் பெற்று உள்ளார். இந்த அணியில் இடம் பெற்ற இங்கிலாந்து விக்கெட் கீப்பர் ஜானி பேர்ஸ்டோ தாயகத்திற்கு திரும்பியதால், இனிவரும் போட்டிகளில் இவர் விளையாடுவார் என எதிர்பார்க்கப்படுகிறது.

#2.பில்லி ஸ்டேன்லேக்:

Billy Stanlake was impressive last season in his limited appearances

2017 ஆம் ஆண்டு நடைபெற்ற ஐபிஎல் தொடரில் பெங்களூர் அணிக்காக ஒப்பந்தமாகினார், பில்லி ஸ்டேன்லேக். ஆஸ்திரேலிய வேகப்பந்து வீச்சாளரான இவர், அந்த சீசனில் வெறும் இரு போட்டிகளில் மட்டுமே விளையாடினார். கடந்த ஐபிஎல் தொடரில் சன்ரைசர்ஸ் ஐதராபாத் அணிக்காக ஒப்பந்தம் செய்யப்பட்டார். ஏற்கனவே, அணியில் பல வெளிநாட்டு நட்சத்திரங்கள் உள்ளதால் ஆடும் லெவனில் இவருக்கு இடம் கிடைக்கவில்லை. இருப்பினும், கடந்த ஐபிஎல் தொடரில் நான்கு போட்டிகளில் விளையாடினார். குறைந்தபட்ச வாய்ப்புகளே இவருக்கு வழங்கப்பட்டதால், கடந்த இரு சீசன்களிலும் இவர் சிறப்பாக செயல்படவில்லை. அதேபோல, நடப்பு சீசனில் இன்னும் ஒரு போட்டியில் கூட விளையாட வாய்ப்பு அளிக்கப்படவில்லை. ஏனெனில், சன்ரைசர்ஸ் ஐதராபாத் அணியில் சிறப்பான பந்துவீச்சாளர்கள் பலரும் இடம் பெற்றுள்ளனர். எனவே, இனிவரும் போட்டியிலாவது இவர் ஆடும் லெவனில் இணைக்கப்படுவார் என எதிர்பார்க்கப்படுகிறது.

#3.மொய்சஸ் ஹென்ரிக்ஸ்:

Henriques got injured just moments before the toss in this ipl (Picture courtesy: iplt20.com)

ஐபிஎல் போட்டிகளில் தொடர்ந்து பல ஆண்டுகளாக இடம்பெற்றும் வீரர்களில் ஒருவர், மொய்சஸ் ஹென்ரிக்ஸ். இவர் 2009 ஆம் ஆண்டு நடைபெற்ற ஐபிஎல் தொடரில் கொல்கத்தா நைட் ரைடர்ஸ் அணிக்காக அறிமுகமானார். அடுத்த ஆண்டில் டெல்லி அணிக்காக ஒப்பந்தம் செய்யப்பட்டார். 2011ஆம் ஆண்டு நடைபெற்ற ஐபிஎல் ஏலத்தில் மும்பை இந்தியன்ஸ் அணி இவரை 50 ஆயிரம் அமெரிக்க டாலர்களுக்கு ஒப்பந்தம் செய்தது. இருப்பினும், தனக்கு ஏற்பட்ட காயத்தால் அந்த தொடர் முழுவதுமே விலகினார். 2013ஆம் ஆண்டில் ராயல் சேலஞ்சர்ஸ் பெங்களூர் அணிக்காக இடம்பெற்றார். அடுத்த நான்கு ஆண்டுகள் தொடர்ந்து சன்ரைசர்ஸ் ஐதராபாத் அணியில் இடம்பெற்றார். கடந்த ஆண்டு நடைபெற்ற ஐபிஎல் ஏலத்தில் எந்த அணியும் இவரை எடுக்க முன்வரவில்லை. நடப்பு ஐபிஎல் தொடரில் கிங்ஸ் லெவன் பஞ்சாப் அணியின் இவர் இணைந்துள்ளார். இதுவரை இவர் விளையாடிய 57 ஐபிஎல் போட்டிகளில் 969 ரன்களையும் 38 விக்கெட்களையும் வீழ்த்தியுள்ளார். மேலும், இவர் ஐந்து அரைச்சதங்களையும் கடந்துள்ளார். பவுலிங்கில் இவரது எக்கானமி 8.38 என்ற வகையில் அமைந்துள்ளது. நடப்பு ஐபிஎல் தொடரின் ராஜஸ்தான் ராயல்ஸ் அணிக்கு எதிரான 32 ஆவது லீக் ஆட்டத்தில் ஆடும் பஞ்சாப் அணி லெவனில் இணைக்கப்பட்டார். இருப்பினும், ஆட்டம் துவங்குவதற்கு முன்பு செய்த பயிற்சியில் ஏற்பட்ட காயத்தால் அந்த போட்டியில் இருந்து விலகினார்.

Edited by Fambeat Tamil

Be the first one to comment